Karthika Deepam 2 : ఇంట్లో నుండి పారిపోయిన జ్యోత్స్న.. అడ్డంగా బుక్కైన దీప!
on Jul 20, 2025
స్టార్ మా టీవీలో ప్రసారమవుతున్న సీరియల్ 'కార్తీక దీపం 2' (Karthika Deepam 2). ఈ సీరియల్ శనివారం నాటి ఎపిసోడ్ -414 లో... జ్యోత్స్న ఇప్పుడు అందరి ముందు నిజం చెప్తుందా అని కార్తీక్ ని దీప అడుగుతుంది. అంత త్వరగా ఎలా చెప్తుంది. అలా చెప్పేలా చెయ్యాలని కార్తీక్ అంటాడు.
మరొకవైపు కాశీకి జ్యోత్స్న ఫోన్ చేస్తుంది. కాశీ ఫోన్ కట్ చేసి కార్తీక్ కి చేస్తాడు. జ్యోత్స్న అక్క కాల్ చేస్తుందని చెప్తాడు. సరే లిఫ్ట్ చేసి మాట్లాడు.. నేను మ్యూట్ లో పెడతానని కార్తీక్ అనగానే జ్యోత్స్న ఫోన్ లిఫ్ట్ చేసి కాశీ మాట్లాడతాడు. ఒరేయ్ నేను చెప్పిందేంటి.. నువ్వు చేసేది ఏంటని అడుగుతుంది. నేను పది లక్షలు సీక్రెట్ గా ఇద్దామని అనుకున్నాను.. మీరే హడావిడి చేసి ఓపెన్ చేశారని కాశీ అంటాడు. అది కాదు గౌతమ్ మంచివాడు కాదని ఏదైనా ప్రూఫ్స్ తీసుకొని వచ్చావేమో అనుకున్నానని జ్యోత్స్న అంటుంది. గౌతమ్ ఎలాంటి వాడు.. నీకు తెలిసినప్పుడు నువ్వే ఎంగేజ్ మెంట్ ఆపుకోవచ్చు కదా అని కాశీ అంటాడు. అదంతా దీప, కార్తీక్ కాన్ఫరెన్స్ కాల్ లో వింటుంటారు.
ఆ తర్వాత పారిజాతం, జ్యోత్స్న మాట్లాడుకుంటుంటే.. దీప వచ్చి సుమిత్ర అమ్మ పిలుస్తున్నారని చెప్తుంది. జ్యోత్స్న, పారిజాతం సుమిత్ర దగ్గరికి వెళ్తారు. రేపు ఎంగేజ్ మెంట్ కి ఏ నగలు పెట్టుకుంటావో సెలక్ట్ చేసుకోమని సుమిత్ర అనగానే.. జ్యోత్స్న ఇబ్బంది పడుతుంది. సెలక్ట్ చేసుకోండి అని కార్తీక్ అంటాడు. ఆ తర్వాత రాత్రి కార్తీక్ దీప ఇంటికి వెళ్లకుండా.. జ్యోత్స్న ఏదైనా ప్లాన్ చేస్తుందా అని కనిపెట్టడానికి ఉంటారు కానీ శివన్నారాయణ వచ్చి కార్తీక్, దీపలని ఇద్దరిని వెళ్ళమని చెప్తాడు. మరొకవైపు జ్యోత్స్న ఇంట్లో నుండి పారిపోతుంటే పారిజాతం ఆపుతుంది. ఏం చేస్తున్నావే అని అడుగుతుంది. ఎంగేజ్ మెంట్ క్యాన్సిల్ చేసుకోవడానికి ఇంతకంటే వేరే దారి లేదు. వారం తర్వాత వస్తాను.. ఫోన్ అఫ్ చేస్తాను.. అప్పుడు నువ్వు ఈ దీపనే ఏదో ఒకటి చేసిందని చెప్పమని పారిజాతానికి చెప్పి జ్యోత్స్న వెళ్ళిపోతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
